ചാന്ദ്ര മനുഷ്യന്‍ കൌതുകമായി.
കിടങ്ങൂര്‍: കിടങ്ങൂര്‍ ശ്രീഭദ്ര LP സ്കൂളില്‍ വന്ന ചാന്ദ്രമനുഷ്യന്‍ കുട്ടികള്‍ക്ക് ആവേശമായി. വിനോദവും വിജ്ഞാനവും പകര്‍ന്ന ചാന്ദ്രമനുഷ്യന്‍ കുട്ടികളുടെ ചോദ്യങ്ങള്‍ക്ക് ചാന്ദ്രഭാഷയില്‍ മറുപടി പറഞ്ഞു. കേരള ശാസ്ത്രസാഹിത്യപരിഷത്ത് തുറവൂര്‍ യൂണിറ്റിന്‍റെ ആഭിമുഖ്യത്തിലാണ് ജൂണ്‍ ൨൪ ന് രാവിലെ ൧൦.൩൦ ന് 
ചാന്ദ്രമനുഷ്യന്‍ പരിപാടി സംഘടിപ്പിച്ചത്.ഭൂമിയും ചന്ദ്രനും തമ്മിലുള്ള വ്യത്യാസവും ചന്ദ്രനിലെ കാലാവസ്ഥയും മറ്റും ചാന്ദ്രമനുഷ്യനില്‍ നിന്നും കുട്ടികള്‍ ചോദിച്ചറിഞ്ഞു. ചാന്ദ്രഭാഷയെ പരിഭാഷപ്പെടുത്തി മലയാളത്തിലാക്കാന്‍ പരിഭാഷിയും ഉണ്ടായിരുന്നു. ചാന്ദ്രദിനപരിപാടികളോടനുബന്ധിച്ചാണ് ഇത്തരം ഒരു പരിപാടി ആസൂത്രണം ചെയ്തത്. ചാന്ദ്രമനുഷ്യനായി മെജോ വേഷമിട്ടു. നവനീത്, രണ്‍ജിത്ത്, നിഖില്‍ മാഷ് എന്നിവര്‍ ചാന്ദ്രമനുഷ്യന്‍റെ പരിഭാഷികളായി കുട്ടികളുടെ ചോദ്യങ്ങള്‍ക്ക് ഉത്തരമേകി.
